Warna-Warna Basa Jawi

Aku ketoke tau ngrêti yen ana adat Jawa kayata nuntun motor utawa pit nalika ing papan tartamtu. Lha, mau aku nontob ana piranti pasrawung (medsos) yen ana laladan Jawa Wetan kuwi uga ana adating wong kono yaiku nuntun motor ana ngarêpe omah wong kapaten. Adat iki wis ora pati katon ana laladanku. Ananging, adat kayata nuntun pit nalika liwat latare wong liya iku isih ana ing laladan desa sing isih cêdhak. Adat nuntun motor mau bêcik amarga awake dhewe ngajeni marang sing nduwe kasripahan mau. Ananging, sok-sok ana ing kutha-kutha sing biyasane iku yen kudu nuntun motor mêngko bisa marai dalan macêt utawa marai kasuwen liwate. Sing cêtha, adat iku mau bêcik bangêt lan mênêhi sung rasa kanggo sing kêna kasripahan. Sabên laladan ana adate dhewe... Lan yen adate iku mau ana beda saperangan amarga alêsan tartamtu ya soke iku mau amarga padha-padha mangrêteni kabutuhan dhewe dhinewe sing kudu kalakon lan marai ora bisa nindaake adat nuntun motor mau.

/Diana Rose/ yaiku panêmbang saka Amerikah. Dhiyanah iki moñcar bangêt nêmbangake têmbang-têmbang nasrani kayata nalika ing pariyacara ''Natal ing Wiyenah'' /Christmas in Viena/. Dhiyanah iki uga nêmbangake têmbang-têmbang liya kayata /When you tell me thay you love me/ ingkang kangrêten ing sakeblat papat. Keren-keren iki aku kêrêp ngrêti têmbange Dhiyanah disêtel ana giyaran radhiyo. Aku ngrêti Dhiyanah iki kapisan ana ing Yūcūb /Youtube/. Ananging aku lagi ngrêti têmbang liya saka giyaran radhiyo. Kanggo wong sing sênêng, swarane Dhiyanah Rus iki karungon apik lan nduweni ciri dhewe ana ing laladan têtêmbangan.