Wulan ing Wayah Wêngi 01

 Wulan ing Wayah Wêngi  -  dening Langitsagara

(01)

Ing kutha Prahà, aku anyawang langiting wêngi. Swara sayup-sayup kaprungu saka kutha kang ora aturu. Aku anyawang endahing wêngi saka cêndhela omahku. Pondhokan kang awujud wangunan lawas iki kadya dadi sêksining laralapaku.

Aku lumaku ing têngahing impenku. Anglangi samudraning impen kang dumadi kêmbanging turuku. Kaya apa ta mangkene iki? Mung agawe esêmku nalika aku angêrêmake mripatku ing paturon.

Esuk bañjur atêka, swaraning manuk piyik-piyik lumêbu ing sajêroning kupingku. Saiki, aku anulis buku dinanku sambi amikir apa wae kang bakal dakgawe ing dina iki. Aku bañjur alunga amêtu sambi aniliki lowahan panganti. Anganggo tas cangklongku, aku lumaku mênyang pawedangan kasênênganku. Angombe kopi espreso iku wus dadi padinanku. Tanganku amikir apa kang kudu dakcorekake ana ing pratelan kanggo wayah sêlaku. 

Dumadakan, udan tumetes saka langit lan hendhêpunku umuni. ''Halo?'' sautku. Bañjur, ana swara anyaut, ''Halo Astu? Kowe lagi ana ing angéndi?''. ''Aku lagi ana ing pawedangan acêdhak pondhokan'', saurku. ''Oh ya wis. Aku dak mrana.'' saute sadurunge tilpune umandhêg. Barêng wus rada asuwe, ana wong wadon arambut dawa atêka ing sangarêpku. ''Mariyà?'', uniku. ''Heh... Aku kan lagi adolan ta ning jaba. Ya wis, timbange udan-udan ora ana kañca aku anilpun kowe wae.''', jarene sambi angguya-ngguyu. ''O... Kowe ora arêp amêsên apa ngono...'', takonku. ''O haa. Aku dakpêsên dhilit ya...'' saure. Aku bañjur ambukak lepthêpku kanggo sambi anggarap-nggarap pitulis sing kudu arampung dina iki. Mariya bañjur atakon,''Kowe lagi apa Tu?''. ''Aku lagi anggarap gaweyan dinan, alumrah...'', sautku. ''O... Garapane kaya akeh bangêt. Aku ameh takon jane yen ora angrusuhi...'' unine kaya ora kapenak angono. ''O, ra papa jane. Ameh atakon apa?'', sautku. ''Iki jane, sloretan-sloretan jaman Rum Wetan.'', unine karo angadhêpke lepthêpe marang aku. ''O ya wis, kene-kene daktulungi.'' Gêndhing ing jêro pawedangan angañcani aku karo Mariyà kang lagi anggarap ing dina iku. Lan awake dhewe bañjur abali mênyang omahe dhewe-dhewe nalika udan wis arampung.

-Kabacutake-

Cathêtan:

Buku dinan = jurnal, buku harian

Lowahan panganti = lobby, ruang tunggu

Tas cangklong = tas selempang

Pawedangan = kafe

Tilpun = telepon

Sloretan = Lukisan

Lepthêp = laptop

Hendhêpun = handphone

Pitulis = artikel

Rum Wetan = Romawi Timur, Bizantium